【Emily】運動員賽馬日首辦 李慧詩下注$20
[2021.12.28] 發表
【明報專訊】香港賽馬會噚日首次舉辦香港精英運動員賽馬日，以表揚香港運動員傑出表現，以及慶賀香港體育學院成立30周年，多名精英運動員聚首一堂。全日共10場賽事，馬會喺活動完結後發稿，提到港隊「牛下女車神」李慧詩為支持賽馬日，特別下注20元，支持本地騎師何澤堯策騎嘅「獵狐章者」，可惜最後未能勝出。
李慧詩話以前入過馬場幾次，贏過5蚊，今次雖然輸咗，但當係支持一下何澤堯，因為之前同佢合作過拍馬會宣傳香港精英運動員賽馬日嘅影片，二人比併體能。
李慧詩又話，踩單車同跑馬有唔少共通之處，「大家都係睇走外檔、內檔走位」，不過跑馬發力好厲害，人騎單車無論點快都始終係跟條curve。特首林鄭月娥出席活動時，再次讚揚香港精英運動員喺多個體育盛事取得佳績，又希望以後當香港運動有好嘅發展時，都能夠舉辦呢項活動。
更多港聞
【Emily】睇軒仔個唱憶童年辛酸 江玉歡：永不忘基層
【明報專訊】候任立法會議員趁機放假鬆一鬆，喺選委會界別勝出嘅江玉歡（Doreen，圖）前晚去咗睇張敬軒演唱會，聽到張敬軒唱On My Way... 詳情
相關新聞
