【Emily】科大帶孩子上班日 逾300「小職員」玩遊戲
[2021.12.25] 發表
【明報專訊】香港科技大學喺聖誕前夕搞咗個「帶孩子上班日」活動，畀職員帶埋小朋友返工，仲安排唔同嘅遊戲，畀出席嘅360多個「小職員」參與。科大話校方慶祝30周年，趁聖誕搞咗呢項活動，等小朋友「體驗式學習」。
活動除咗畀孩子觀摩父母嘅工作，亦可以體驗科大人嘅生活，包括同科大機械人競賽團隊一齊製作賽車、機械人足球員。
小朋友亦可以觀察「蜂箱」，由畢業生、「香港原蜜」聯合創辦人佘焯成及區灝智講解蜂蜜生產過程，同埋蜜蜂點樣幫助維持地球生態平衡。有「火博士」之稱嘅科大化學系理學教育助理教授陳鈞傑，亦即場向小朋友示範實驗。有小朋友亦同家人一齊玩空手道、探訪科大治療犬、自製聖誕襪等。
更多港聞
相關新聞
