【Emily】入政府一周「重操故業」 黃穎君街訪籲投票
[2021.12.15] 發表
【明報專訊】無綫電視《東張西望》前女主持黃穎君，早前獲聘加入民政事務局擔任媒體主任，月薪67,595元。民政局噚日發布有關選舉宣傳嘅短片，上任一周嘅黃穎君就粉墨登場，好似以前做節目主持咁，喺街上扑咪問市民意見；又問民政局長徐英偉有關新選制嘅新安排；局方喺社交平台發片發文時，仲特別加咗句「#唔好東張西望記得星期日去投票」。
黃穎君喺片中揸住支咪做街訪，主要問市民登記咗做選民未、幾時係投票日，以及知唔知𠵱家有幾多個選區？其後佢同徐英偉拍住出場，用答問形式解說全港10個地方選區，點樣分區，配合高空拍攝圖同電腦繪圖，標示分隔唔同選區嘅道路，特別提醒沙田、黃大仙同元朗分別都有部分地區列入不同選區，叮囑市民留意。
徐英偉特別提及，今次選舉由過往嘅比例代表制改為雙議席單票制；雖然每個地方選區會選出兩個議員，但市民只係投一票㗎咋，強調「一人一票一剔 」就得嘞。
更多港聞
缺跨境生 兆禧苑幼園停辦 高峰200學生減至50 校長：經營困難
【明報專訊】幼稚園適齡學童減，再有幼稚園因收生不足計劃停辦。屯門的香海蓮社兆禧苑幼稚園前日發家長通告，宣布本學年完結後，於2022年9月1日... 詳情
相關新聞
