【Emily】跨年騷派飛抽獎 「蝦碌」個案考驗愛情友情
[2021.11.22] 發表
【明報專訊】旅發局舉辦「香港跨年倒數演唱會」門票抽獎，送出3000張飛畀1500名參加者(各兩張)，當晚有份演出嘅包括人氣男團MIRROR等，由於根據條款，一經登記唔可以換人，局方就話收到唔少蝦碌個案，甚至成為愛情同友情嘅抉擇。旅發局話，有窩心男友登記時填寫女朋友係同行者，希望抽到後製造小驚喜，點知女友早已想搵fans朋友一齊追星兼倒數，仲請男友打去問旅發局可唔可以換抽獎名單！
旅發局就話，為公平起見，每個登記人與同行者都只可以登記一次，佢哋要嚴格執行登記條款、唔可以換人，所以對於女朋友呢個想撇低男友嘅要求亦愛莫能助，提醒大家登記前要mark實同行親友，溝通好先登記，又建議粉絲朋友可另登記抽獎。旅發局又話，其他收到有關抽獎嘅查詢個案，包括搞錯同行者姓名，甚至連自己電話都填錯，提醒大家輸入資料後要核對清楚先提交，以免失去中獎機會。抽獎登記於周三(24號)下午5點半結束。
更多港聞
【明報專訊】社民連曾健成（阿牛）上月因煽惑他人參與去年七一遊行案被判囚10個月，阿牛嘅facebook噚日刊登佢喺赤柱監獄寫嘅第一封信，講獄...
詳情
家人借貸受牽連 曾想辭職保舊校校譽 捱過黑暗期 校長身教勉學子不棄
【明報專訊】未曾與人結怨、也無借貸，某日卻遭人在住所樓下貼街招討債，更有人到學校要求還錢。新任小學校長顏源峰約5年前於不知情下成為兄長債項的... 詳情
【明報專訊】適齡學童人口減少連同移民潮，令學界面臨縮班殺校危機。本學年全校開辦12班的樂善堂劉德學校屬「細校」，新任校長顏源峰說，接獲不少外...
詳情
相關新聞
