【Emily】阿牛首封獄中信 感謝倉友教規矩
[2021.11.22] 發表
【明報專訊】社民連曾健成(阿牛)上月因煽惑他人參與去年七一遊行案被判囚10個月，阿牛嘅facebook噚日刊登佢喺赤柱監獄寫嘅第一封信，講獄中情况。佢話被安排喺衣車間工作，初嚟甫到做所長，負責清潔廁所，而同倉倉友係一個廿幾歲嘅青年，佢感謝對方教佢工場同監獄嘅日常規矩，以免犯規；又話喺獄中遇到民主黨何俊仁，傾咗幾分鐘，形容阿仁瘦咗兩個碼，放風時亦見過林卓廷、譚凱邦、朱凱廸。
阿牛呢封信係今個月9號寫嘅，佢話當時轉咗去赤柱已一星期，但未有報紙、收音機、顏色筆同畫紙，只收過一封律師寄嘅信。佢話喺獄中每日朝早7點半去飯堂食早飯，9點去車衣工場開工，11點就去球場放風，12點冲涼，之後又返工場到4點半再到飯堂，夜晚7點返倉，10點熄燈。
阿牛話，佢會喺呢半年嘅牢獄生活調理好身體，最後表示：「香港不准加油！大家平安！」
更多港聞
家人借貸受牽連 曾想辭職保舊校校譽 捱過黑暗期 校長身教勉學子不棄
【明報專訊】未曾與人結怨、也無借貸，某日卻遭人在住所樓下貼街招討債，更有人到學校要求還錢。新任小學校長顏源峰約5年前於不知情下成為兄長債項的... 詳情
【明報專訊】適齡學童人口減少連同移民潮，令學界面臨縮班殺校危機。本學年全校開辦12班的樂善堂劉德學校屬「細校」，新任校長顏源峰說，接獲不少外...
詳情
相關新聞
