【Emily】林鄭今日復工 仍需物理治療
[2021.10.25] 發表
【明報專訊】特首林鄭月娥上周一(18日)喺禮賓府從梯級跌倒，右手手肘骨有部分「崩」咗，需要休假。林太昨午喺社交媒體公布，「明(今)天將恢復處理行政長官的公務」，但話如要完全康復，生活如常，就需一段時間同勤力做物理治療。
多咗喺禮賓府花園走動
林太因傷缺席多項活動，噚日嘅香港渣打馬拉松，就由署理特首李家超主持開步禮。林太又話秋意已濃，自己手傷休假期間都多咗喺禮賓府花園走動，又提到喺政府同主辦機構共同努力下，渣馬順利舉行，形容被訪問嘅參賽者都感到十分興奮同對安排表示滿意，但就無提及有選手因身上或衣飾有「香港加油」字句參賽受阻事件。
至於李家超，噚日除咗去渣馬主禮，之後仲去咗香港童軍總會九龍地域會務委員會第53屆就職禮，佢話童軍嘅誓辭，講明對國家嘅責任同個人嘅要求，誓辭中稱「對國家，盡責任；對別人，要幫助；對規律，必遵行」，希望童軍可以發揚童軍使命。
更多港聞
VR「登」黃山 教小學生寫景 港大團隊建平台教中文 擬擴至英文常識科
【明報專訊】虛擬實境（VR）技術盛行，但配合學校課程的VR教件不多。港大教育學院助理教授黃家偉的團隊2017年起與18間小學的教師合作，結合... 詳情
相關新聞
