【Emily】稱北區主席羅庭德「港獨」 侯志强預告區會搞不合作運動
[2021.10.12] 發表
【明報專訊】北區區議會宣誓後，有11個議員過關，包括主席、非建制派羅庭德。作為當然議員嘅上水區鄉事委員會侯志強噚日發出新聞稿預告，今日會喺區議會大會上聯同另外3個鄉事派當然議員、3個建制派，一致決定唔跟隨(唔認可)「港獨人士擔當北區區議會主席」，及譴責大會主席，仲話會採取不合作態度，以流會行動表示不滿。
北區建制派宣誓前已狙擊羅庭德，話佢發表過「光復香港，時代革命」言論。羅庭德回覆Emily話，希望各位議員回頭是岸，強調佢係喺國安公署信納、民政事務局長徐英偉監誓下，同侯志強等人一同成為官方認可嘅愛國者。
指自己已過宣誓屬愛國者
羅庭德：流會違完善選舉初心
羅庭德又話，今次會議係倡議當局從大灣區內地城市覓地，新界原居民北上建丁屋興業發展，以彰顯中港一心，共建大灣區嘅決心。佢揶揄「愛國者本應同心同德，融入國家發展大方針」，但侯志強竟然喺呢個時候誹謗佢，搗亂得來不易嘅愛國者治港格局，亦有藐視港府同造反之嫌。
佢又提到，「對部分議員以激進手段表達政治訴求，使用脅迫手段，導致區議會流會癱瘓，走向『政治化』，與『完善選舉制度』的初心背道而馳，感到遺憾」，提醒議員連續4個月缺席會議將會喪失擔任議員嘅資格。
更多港聞
【Emily】撐港大 譚耀宗：《國殤之柱》早應搬
【明報專訊】港大上星期透過律師去信要求已宣布解散嘅支聯會，喺聽日（周三）下午5點前移走港大校園內嘅《國殤之柱》，否則港大會視支聯會放棄《國殤... 詳情
【Emily】提畀掌聲港台無人應 葛珮帆「孤掌」表揚
【明報專訊】立法會資訊科技及廣播事務委員會噚日開會講《施政報告》相關政策，廣播處長李百全都在席，多名議員藉機讚香港電台，好似新民黨主席葉劉淑... 詳情
【明報專訊】港府積極推動青年到大灣區發展，噚日由香港青年聯會、香港志願者協會牽頭嘅「12355大灣區青年服務台」正式啓動，為港青提供一站式服...
詳情
【明報專訊】立法會民政事務委員會噚日原本議程有一項「修訂社區參與計劃及地區小型工程計劃的推行安排」，緊接《施政報告》政策簡報嘅議程，但噚日開...
詳情
相關新聞
