【Emily】12355啓動 5熱線助大灣區港青
[2021.10.12] 發表
【明報專訊】港府積極推動青年到大灣區發展，噚日由香港青年聯會、香港志願者協會牽頭嘅「12355大灣區青年服務台」正式啓動，為港青提供一站式服務平台同資訊站，幫助佢哋融入大灣區生活。中聯辦青年工作部長張志華前日到訪服務中心，一齊接聽電話，解答來電者提問，例如有咩措施財政支援大灣區創業、內地就業期間嘅保險安排、港人申請入讀內地研究生嘅程序等。
服務台係中央惠港青年8項措施其中之一，旨在通過線上、線下嘅模式，為港青提供援助。服務台現有5條熱線，目前係試行階段，會幫來電者搵資料、轉介到其他服務單位跟進；明年初推行第二階段，會優化電話系統，直接按來電者需要聯絡合適單位。
另外，民政事務局長徐英偉今日會到深圳考察創業基地，包括前海深港青年夢工場、福田深港澳青年創新創業基地，了解創業基地嘅設施、創業支援及孵化服務，以探討進一步協助港青喺大灣區創業嘅措施。
更多港聞
【明報專訊】立法會民政事務委員會噚日原本議程有一項「修訂社區參與計劃及地區小型工程計劃的推行安排」，緊接《施政報告》政策簡報嘅議程，但噚日開...
詳情
【明報專訊】新一份「幼稚園概覽」出爐，載有全港1050間幼稚園去年10月學生人數。本報統計3區共143間參與幼稚園教育計劃（下稱計劃）的幼稚...
詳情
相關新聞
