【Emily】CY：年輕人「激進化」似吸毒 話會變恐怖主義 出書盼社會幫人「戒」
[2021.08.19] 發表
【明報專訊】全國政協副主席、前特首梁振英(CY)委託一國兩制研究中心，出咗本書叫《點．解．激進化》。CY話，出書嘅諗法源自反修例事件引發年輕人做「激進違法行為」，又講到年輕人「激進化」就好似吸毒或者濫藥，社會要防範同埋幫人「戒除」激進思想。問到佢會唔會再選特首，CY就笑笑口答，佢係嚟講「激進化」，唔會答其他問題。
委一國兩制研究中心 話諗過海外學者
《點．解．激進化》有83頁，用咗新西蘭基督城清真寺襲擊、美國國會山莊示威等例子，圖文並茂解構「激進化」現象，又講到「激進化」會進化做極端以至恐怖主義。CY話諗過邀請海外學者探討點解年輕人會愈趨激進，但因為疫情等因素，最後搵咗一國兩制研究中心幫手。講到點樣「反激進化」，佢就讚國安法令唔同部門有新嘅手段做嘢，幫到手防範同制止激進思想，亦唔點名講到近日多個組織解散，都幫到「反激進化」。
本書亦有建議加強溝通及參政渠道，CY話周不時都有行街同巿民傾偈，又覺得選舉制度改革之後，參政渠道暢通，各級選舉制度都好完善，揶揄有民主派人士反而呼籲杯葛選舉。
更多港聞
【Emily】余若薇書法寫《Warrior》歌詞寄牆內
【明報專訊】唔少民主派人士正還押、服刑，收信係佢哋好期待嘅事，唔少人亦密密寫，公民黨前議員余若薇（Audrey）就不時寫書法寄畀牆內嘅人。噚... 詳情
【明報專訊】民政事務局回覆立法會議員書面質詢，話上年新聞處經公開招標，上年6月向Consulum FZ LLC批出「香港重新出發」嘅公關服務...
詳情
【明報專訊】政府將收回粉嶺高球場位於粉錦公路以東嘅32公頃用地作房屋用途，新民黨主席葉劉淑儀噚日喺facebook話，香港近月連場暴雨，北區...
詳情
【明報專訊】近期頻繁出現人事變動嘅西九文化區管理局再有管理層離職。西九管理局證實，已批准首席財務總監馮潔儀噚日起離任。翻查資料，連同馮潔儀，...
詳情
【明報專訊】政府推出「與香港同行」計劃，等參加學生有機會做影子官員，近日唔少司局長都有講吓影子局長嘅一日工作情况，好似公務員事務局聶德權噚日...
詳情
相關新聞
