【Emily】律師會理事改選 外籍律師韋恆理報名
[2021.07.31] 發表
【明報專訊】律師會8月24號會改選5名理事，後日(8月2日)截止報名參選。連日多人報名，據Emily所知，熟悉競爭法、知識產權法例嘅Nixon Peabody CWL合伙人韋恆理(Wheare, Henry Jeremy Hugh)噚日已報名參選，佢希望可以服務同業、為法律界喺本地及國際市場尋找更多機會，亦期望香港可以喺法律確定性、正當法律程序等法治原則下維持競爭力。佢話自己無政治聯繫。
韋恆理喺劍橋大學讀法律，1985年在港執業後就移居香港，佢話如果當選，會專注喺律師會嘅關鍵角色，包括支援會員需要、回應法律專業關注嘅議題等，亦希望聆聽唔同聲音，尋求共識同埋建立橋樑，亦會繼續倡議尊重一國兩制及維護法治。
早前宣布參選嘅混血女將馬秀雯(Selma Masood)日前亦已報名，佢強調會推動律師會喺司法、法治相關議題上更及時回應，以及維持律師專業嘅自我監管權等。
除咗現任理事黃巧欣聯同其他4人早前宣布參選外，Emily發現有facebook專頁顯示律師黎蒑、唐瑋綸交咗報名表參選，不過Emily致電黎蒑，佢話自己唔太方便，隨即收線。
更多港聞
【明報專訊】原為警務處長嘅鄧炳強上月升任保安局長，佢近日接受《紫荊》雜誌訪問，話統領政策局挑戰好大，會帶領同事去應對，「可能是時代選擇了我，...
詳情
【明報專訊】港隊喺東京奧運至今取得一金兩銀，創下歷史佳績，各方紛紛致賀，19名前高官噚日亦發聲明，話佢哋為奪得男子花劍個人賽金牌嘅張家朗，同...
詳情
相關新聞
