【Emily】鄺保羅獲委嶺大校董 原來係校友
[2021.07.31] 發表
【明報專訊】政府噚日刊憲，宣布委任香港聖公會榮休大主教鄺保羅(圖)為嶺南大學校董會及諮議會成員，任期3年，聽日起生效。原來鄺保羅係香港嶺南學院(嶺大前身)英文系畢業，根據2018年出版嘅《嶺南精神五十載》，鄺保羅憶述讀大學時，英文系只得10多個學生，師生關係深厚，系主任經常邀請學生去自己屋企食飯、傾文學，學生亦會同老師打麻將，打波、行山更係師生日常活動。
特首林鄭月娥噚日亦到訪嶺大，參觀「嶺大創業行動」下研發嘅產品，又聽取嶺大團隊講解如何推動學生及教職員善用科技、回應社會訴求，例如創作可重用全透明過濾口罩等。林太話欣悉嶺大重視推廣中國歷史、中華文化，又話國家「十四五規劃綱要」提及支持香港發展中外文化藝術交流中心，相信嶺大可用自身優勢，喺推動文化交流方面作出貢獻。
更多港聞
【明報專訊】港隊喺東京奧運至今取得一金兩銀，創下歷史佳績，各方紛紛致賀，19名前高官噚日亦發聲明，話佢哋為奪得男子花劍個人賽金牌嘅張家朗，同...
詳情
相關新聞
