【Emily】陳智思：青年唔信兩制源於不了解內地
[2021.02.26] 發表
【明報專訊】唔少年輕人都不滿政府，又對中央、一國兩制抱懷疑同不信任態度，行政會議召集人陳智思就認為，唔可以怪責年輕人對中央同一國兩制不信任，因為大部分香港人都唔理解內地制度。佢接受恒生大學傳播學院訪談節目《恒傳感言》時話，自己同年輕人傾偈，都理解點對佢哋有擔憂，話一國兩制行咗20幾年，但無幾多人真係認識國家嘅制度，佢自己都係不斷學習中。
陳智思話，當年中央設計一國兩制，講50年不變，普通香港人都會認為係50年後先再處理，從來無諗過兩地融合，佢強調「變」唔係中央要打壓香港，但喺經濟、民生融合下，政治問題唔處理就會有矛盾，而過去都係有問題時先去處理，如果無港人在台被殺案，大家都唔會講逃犯條例，佢認為如果有矛盾先處理，如果信息傳遞得好，就唔會引起咁多猜疑。
政府成日叫人到內地發展，陳智思話內地市場龐大，鼓勵年輕人踏出第一步了解，佢話唔一定要北上工作，都要認識內地市場，因為大灣區市場有7000萬人，香港只得700多萬，如果唔了解就會被邊緣化。
更多港聞
【Emily】教大初創賽 5隊各獲15萬創業金
【明報專訊】大學鼓勵學生實踐初創夢想，教育大學噚日舉行「教育與社會企業家基金（EASE Fund）線上總決賽」，5支由教大學生或校友組成嘅獲... 詳情
【明報專訊】前年反修例運動令校園氣氛緊張。教育局副局長蔡若蓮昨於立法會教育事務委員會特別會議稱，局方接到的25宗警察子女遭欺凌個案，全部已處...
詳情
【明報專訊】教育局長楊潤雄委任公大校長黃玉山出任研究資助局主席，任期下月1日生效，為期3年。現任主席、環境水力學專家李行偉上任8個月便卸任，...
詳情
相關新聞
