【Emily】選唔選特首？ 陳茂波冇答
[2021.02.25] 發表
【明報專訊】政界不時話財政司長陳茂波有意選下屆特首，噚日公布嘅《財政預算案》被視為特首選舉正式開跑前嘅「功課」。陳茂波打咗綠色領呔同財案封面襯色，喺立法會宣讀預算案，喺結語提到「家」，話喺家入面要相互接納、支持；仲講到深層次矛盾，「結無論綁得多緊，總有解開的方法。讓時間給我們解決問題的空間」。佢喺記者會、電視論壇都被追問係咪想做解結人、打算選特首，陳茂波無正面回應；問佢「愛唔愛黨」，都一樣冇直接講愛定唔愛。
預算案講解結 被問「愛唔愛黨」
陳茂波喺記招話，過去年幾兩年香港經歷唔少困難，佢喺準備預算案期間同各界交流溝通，「是在編製過程當中一些心路歷程和個人體會」。至於呢份預算案係咪夠交功課選特首，佢話首務係防疫抗疫、為之後經濟恢復努力，先係整份預算案嘅考量，自言「單純地」喺諮詢過程中了解社會痛點、市民期望。
佢喺電視論壇再表示自己全神貫注做預算案，用有限資源睇吓點樣幫到大家，「就係咁嘅啫」。主持直接問佢係咪打算選特首？陳茂波定一定神話，「目前整個團隊在行政長官領導下，齊心合力全力抗疫，全力部署和推動疫後的經濟重建，大家都係一條心努力緊」。
被問到愛唔愛黨，陳茂波話佢尊重、擁護《憲法》同《基本法》，又話「愛國愛港」喺香港係應有之義。財爺嘅妻子許步明、兒子陳天行有到立法會旁聽，散場後，許步明被問丈夫表現點，佢豎起兩隻拇指話「好好……好辛苦呀佢哋做得」。
更多港聞
【Emily】今年原夠鐘退休 立會法律顧問續任兩年
【明報專訊】Emily上年聽聞作為立法會法律事務部第一把交椅嘅法律顧問馮秀娟（圖），今年就夠60歲要退休，立法會行政管理委員會早前成立小組物... 詳情
【Emily】110人「提早打針」 聶德權fb無痕修正至318人
【明報專訊】政府周二開放新冠病毒疫苗網上預約，結果網絡大塞車，一早爆棚之餘，又因為錯誤開放前日中央圖書館某些時段供市民選擇，搞到有一批人可「... 詳情
教育預算1109億 佔15.2%10年低 未提幼師薪級表 教協稱失望
【明報專訊】新一份《財政預算案》的教育新猷不多，2021/22年度教育開支預算為1109億元，金額是4年來最低，預算亦較上年度減少14億元，... 詳情
相關新聞
