【Emily】最後聖誕文告 鄺保羅叫政府果斷抗疫

即將退休嘅香港聖公會教省主教長鄺保羅發表最後一次聖誕文告，呼籲大家嚴守防疫紀律，更敦促政府採取果斷嘅抗疫措施。（聖公會刊物《教聲》圖片）

【明報專訊】每年聖誕節，天主教同聖公會嘅領袖都會發表聖誕牧函或文告，其中即將退休嘅聖公會教省主教長鄺保羅噚日發表聖誕文告，鄺保羅形容2020年「疫症肆虐、人心惶惶」，話疫症不單令經濟停頓、破壞生計，更傷害人嘅身心靈健康；又推倒大家習以為常、覺得理所當然嘅生活習慣同人際關係，令人有強烈無助同無奈感。

鄺保羅話，疫情帶嚟另一個創傷係令人無依無靠，好多長者被迫留家避疫，安老院舍亦禁止探訪，令長者更孤獨無助，身心靈大受影響，而今年聖誕節亦唔會好似以往咁慶祝。鄺保羅話大家要互相幫助，亦要支持同鼓勵醫護人員，同埋所有盡忠職守，「任勞任怨負責應對疫情的政府人員」。

鄺保羅呼籲大家嚴守防疫紀律，敦促政府採取果斷嘅抗疫措施。佢又話全民接種疫苗亦相當重要，希望政府做好周密規劃，有效推行全民接種。

鄺保羅即將退休，聖公會將於下月3號舉行聖公會教省主教長陳謳明大主教就職崇拜。

更多港聞

【Emily】缺席舊生會聚會 袁國勇：唔想多個皇仁群組

【明報專訊】政府成日呼籲市民減少聚會，港大微生物學系傳染病學講座教授袁國勇就身體力行，本身係皇仁仔嘅佢喺舊生會年結節目話，知道舊生會可能對佢... 詳情

【Emily】柯創盛邀陳肇始落區 提黨友向局長反映

【明報專訊】民建聯柯創盛（柯仔）近日頻頻邀請官員落區，除咗民政事務局長徐英偉，食物及衛生局長陳肇始噚日亦應佢邀請到秀茂坪寶達邨，視察該處嘅流... 詳情

【Emily】民主動力執委改選 區選「失意者」加入

【明報專訊】去年協調區議會選舉嘅民主派「民主動力」改選，經歷去年區選後，民主動力話未來會改革，改選後繼續由東區區議員趙家賢做召集人，多名新人... 詳情

【Emily】巨鑽機幫手 屯赤隧道少挖4900池淤泥

【明報專訊】屯門至赤鱲角北面連接路下星期日（27日）通車，其中5公里係「屯門至赤鱲角隧道」，連接屯門南同港珠澳大橋香港口岸，係現時全港最長同... 詳情