【Emily】區議員掛「有聲banner」 叫人自行感受

油尖旺區議員蕭德健（圖）喺區內掛唔同款嘅「有聲banner」（圖下方），叫香港人「自己去感受，自己去思考吧」。（蕭德健fb）

【明報專訊】又到聖誕，疫情之下好多節日活動都要取消。油尖旺區議員蕭德健就用另一啲方法陪住街坊，近日喺區內掛上多款「有聲banner」，黃色背景上面印有歌詞，例如「在晚星墜落∕徬徨午夜∕迷霧裡∕最遠處∕吹來號角聲」、「若有天戰勝哀愁∕不問天氣∕兩鬢斑白∕香港再等你」，同團隊一齊祝大家聖誕、新年平安。

蕭德健喺facebook上載咗9款「有聲banner」嘅相，提到有人話喺其他群組見到呢啲橫額嘅相，問佢做乜唔出post話畀人知佢做咗乜嘢。蕭德健就反問「邊個做，有冇人知……WHO CARES？」，叫香港人「自己去感受，自己去思考吧！」

街坊問幾多款 「未被搞爛前集郵」

究竟總共有幾多款呢啲banner，蕭德健冇話畀Emily知，有街坊就喺個post下面留言話見過其他歌詞，追問有幾多款，話「趁仍未被搞爛前大家集郵都容易啲」；有人見到banner就影相留念。

蕭德健話其實佢哋一直好低調同想低調，做咗好多「自己去感受，自己去思考吧」嘅做法，好多都係因為低調先做到。

更多港聞

【Emily】黃永志製長輩圖 籲長者少打麻將

【明報專訊】第四波疫情依然嚴峻，中西區區議員黃永志（Napo）近日自製「長輩圖」，提醒區內長者唔好聚埋打麻將。Napo前日喺facebook... 詳情

【Emily】中大校評會又延期 改2月紅館舉行

【明報專訊】疫情不但影響立法會開會，中文大學校友評議會（下稱評議會）選舉都要一再改期、改地點，開會日期由明年1月9日延至2月6日，地點就由亞... 詳情