【Emily】范國威探望：快必好精神 瘦咗少少

【明報專訊】人民力量副主席譚得志(快必)被控發表煽動文字等罪被拒保釋，還押荔枝角收押所。快必一直都有唔少親友探望，噚日就有西貢區議員、新民主同盟范國威(Gary)趁假期去探佢。Gary話快必好精神，只係瘦咗少少，但頭髮長咗未有得再剪，腳甲都好長，不過𠵱家已經有新指甲鉗用，腳甲已修剪妥當。

Gary話佢以前通常係公務探訪囚友，首次見識公眾探訪嗰種汗流浹背嘅場景，加上噚日假期，收押所人山人海，佢等咗個半鐘先見到快必，但探訪時間得15分鐘，話咁快用完，佢要用超乎平常嘅速度講嘢。

快必fb專頁都有透露其狀况，指快必話還押咗個幾月剪過一次頭髮，未能夠再剪；而收押所現有近1700名囚友，為咗方便管理，要佢上午就做晒要做嘅嘢，之後獨留囚室，無得自由活動。快必話Gary好有心，知道佢有坐骨神經痛，話佢一出嚟會有好醫師介紹，仲話Gary臨走時有啲眼濕濕，好唔捨得佢咁；快必又話政府不停以拘捕、控告嚟對付抗爭者，不止令法院超負荷，懲教署壓力都會好大。

更多港聞

【Emily】批政府似「家嫂」 麥美娟盼強勢官帶領抗疫

【明報專訊】工聯會麥美娟（Alice）鬧政府一向唔客氣，佢近日喺工聯會YouTube頻道《轆出嚟講》影片中話，就算支持政府嘅市民都普遍有不滿... 詳情

【Emily】阿B作《捍衛香港》向警致敬 周四TVB播

【明報專訊】去年6月出席過立法會議員何君堯搞嘅「630撐警察，保法治，護安寧」集會嘅藝人鍾鎮濤（阿B），繼為警隊題字同拍攝防騙短片後，再作咗... 詳情

曾俊華料未來趨勢：AI授知識 老師教溝通

【明報專訊】年初新冠病毒來襲，全港學校從上學年「停課不停學」到新學年「開學不返校」，電子學習成為不可或缺的一部分。前財政司長、「薯片叔叔共創... 詳情

慕光來年中一必修日韓語

【明報專訊】觀塘區直資中學慕光英文書院下學年起展開「三文四語」全新課程，除中英、普通話，下學年入讀中一級的學生，必須選修日文或韓文基礎課程作... 詳情

科大EMBA全球十度稱冠 收生跌1/4

【明報專訊】香港科技大學和凱洛格商學院合辦的行政人員工商管理碩士（EMBA）課程，在最新英國《金融時報》全球EMBA課程排名中再度位列榜首，... 詳情