【Emily】普檢完結 建制赴「火眼實驗室」多謝內地人員
[2020.09.15] 發表
【明報專訊】普及社區檢測計劃(全民檢測)噚日係最後一日，建制派近日頻頻去「慰問」、感謝內地來港嘅檢測人員，除咗日前去酒店之外，民建聯、經民聯噚日就喺「火眼實驗室」收爐前去參觀並多謝檢測人員。多名民建聯議員都有到場，包括主席李慧琼，立法會議員陳恒鑌、張國鈞、黃定光，並送上感謝卡等。
民記副主席陳克勤見記者時話，好多中港兩地家庭因疫情無法團聚，舉例佢嘅助理上星期申請攞40日假，話要返內地探望小朋友同太太，因為已經成10個月未見過家人。陳克勤形容家庭分隔兩地嘅情况「令人心傷」，呼籲港府盡快落實健康碼，令市民可於10月中秋節時團聚；佢認為目前感染病例已經逐步回落，唔一定要長時間個案「清零」先可以考慮落實健康碼。
經民聯梁美芬、盧偉國、林健鋒等噚日都有去火眼實驗室，林健鋒喺facebook話全民檢測嘅經驗提升香港應對疫情嘅能力，佢仲上載同實驗室工作人員嘅合照，相中可見工作人員捧住一大束花。
更多港聞
【Emily】月前報名挑戰郭榮鏗 麥慶歡：反修例抑鬱暴食肥十幾磅
【明報專訊】立法會選舉因為疫情被押後，喺7月嘅提名期時，女大律師麥慶歡報名參選法律界，挑戰現任議員公民黨郭榮鏗，當時大家都唔太認得麥慶歡。麥... 詳情
【Emily】年薪逾百萬 資深傳媒人洪曉敬幫聶德權
【明報專訊】公務員事務局長聶德權近期頻頻曝光，孭起全民自願檢測項目，原來佢近日喺外邊搵咗幫手，喺政策局開咗個月薪11.8萬至12.6萬元嘅高... 詳情
【明報專訊】12名港人涉非法越境，被扣押喺深圳超過3星期，立法會議員朱凱廸同涂謹申上周六陪同被捕者家屬見記者，阿涂當日一開始先用英文發言。港...
詳情
相關新聞
