【Emily】關注沒為12歲女童發聲 網民追問芳芳姐 「多得」張建宗

政務司長張建宗（右）早前到訪檢測中心時巧遇蕭芳芳（左），兩人做個Elbow bump打招呼，佢出post感謝對方之餘，又讚芳芳姐「對孩子關愛有加，令人感動」。（政務司司長辦公室fb圖片）

【明報專訊】近日政府力推普及社區檢測計劃(全民檢測)，政務司長張建宗噚日朝早就喺facebook(fb)宣傳檢測計劃，仲附相稱日前到訪檢測中心時，撞到藝人兼「護苗基金」創辦人蕭芳芳，兩人即刻嚟個「Elbow bump」，用手肘撞手肘問候，保持社交距離。張建宗喺個post度話，佢做勞工及福利局長時，獲蕭芳芳邀請出席護苗基金活動，「她對孩子關愛有加，令人感動」，感謝芳芳姐親身支持計劃。張建宗又話除咗演藝界人士，來自不同界別嘅朋友都一呼百應，呼籲市民「一家人齊齊整整做檢測」。

不過，呢個post就令芳芳姐搶咗檢測計劃風頭，成為主角，皆因周日12歲女童Pamela喺油尖旺買顏料期間，遭警察騎喺身上制服，兼被票控違反限聚令，但芳芳姐嘅「護苗基金」未就此發聲，唔少網民都留言問到底芳芳姐去咗邊。

民協主席、黃大仙區議員施德來就分享帖文，並問「護苗基金為12歲妹妹出左(咗)聲明未呀？」深水埗區議員李俊晞話，之前有人話蕭芳芳失咗蹤，「原來仲喺度」。fb專頁「傑出關公災難」就轉載相片話，護苗基金同蕭芳芳喺12歲女童事件上無出聲，「點知，佢喺檢測中心巧遇張司長，而司長唔知有心定無意，寫咗段咁嘅嘢」。

更多港聞

【Emily】國安副處長劉賜蕙 獲頒公大榮譽院士

【明報專訊】公開大學前日頒授2019年度榮譽大學院士畀4人，當中包括警務處副處長（國家安全）劉賜蕙（圖）。公開大學形容，服務香港警隊逾30載... 詳情

【Emily】擲動物案唔告人 毛孩家長要求解釋

【明報專訊】深井喺2月發生擲動物案，律政司早前話證據不足所以唔起訴曾自首嘅涉事人，引起社會關注。立法會議員毛孟靜（毛姨姨）嘅愛犬孖寶噚日6歲... 詳情

【Emily】林鄭「嚴肅現身」美清談節目

【明報專訊】特首林鄭月娥「現身」美國著名清談搞笑節目Conan。由於疫情關係，節目無得請現場觀眾，於是就印咗唔同人物嘅紙牌公仔放喺觀眾席，包... 詳情

【Emily】稱無理想效果 小麗退出工黨

【明報專訊】繼工黨創黨成員、中大新聞與傳播學院客席講師梁啟智後，立法會前議員劉小麗噚晚亦喺facebook宣布，佢本人及小麗民主教室將退出工... 詳情

【Emily】阿鼎跑步拍片宣傳全民檢

【明報專訊】近日戶外跑步終於唔使再戴口罩，民建聯立法會議員周浩鼎（Holden）噚日上載短片，由天水圍天瑞徑跑到天水圍欖球場，Emily見佢... 詳情