【Emily】房協指唔中立 唔准梁晃維貼全民檢海報

（梁晃維fb專頁截圖）

【明報專訊】政府正推展普及社區檢測計劃(全民檢測)，中西區(觀龍)區議員梁晃維就喺facebook以「房協容不下的Poster」發文，話本月1號向房協申請張貼關於「全民檢測」嘅海報(圖)，打算貼喺觀龍樓各大堂同議辦出面，向街坊解釋全民檢測嘅問題同風險。佢為咗令海報睇嚟中立啲，應房協要求喺海報最尾加上一句「大家考慮清楚再決定做唔做啦」，但房協最終拒絕張貼呢款海報。

梁晃維話，海報提出嘅論點都係客觀事實，亦無強迫居民杯葛檢測，但已被房協判為唔中立。佢反問房協如堅守政治中立，點解之前選民登記期間，民建聯「攬炒冇飯開」海報可以入到邨，質疑「政治中立，睇嚟只係對民主派議員適用」。

佢又話，今年中起房協屋邨內嘅議辦同大堂報告板，都要畀房協審查內容先可張貼，大大限制咗海報內容，包括8月起禁止議員使用「武漢肺炎」字眼，要遮住「武漢」兩隻字先出得，批評房協不斷收緊議員喺邨入面嘅言論自由。

房協回覆話，按「出租屋邨內展示宣傳品申請指引」，宣傳品內容必須公正、正確及客觀；又話就住梁晃維嘅申請，屋邨辦事處職員一直同佢保持溝通，但其宣傳品因未能符合申請條件而不獲批准。

更多港聞

香島生網課用「光時」頭像 罰停課一周 引校方稱損校譽 再參與社運踢出校

【明報專訊】香島中學一名中四學生用軟件上網課時，於其「個人頭像」用上自己拍攝的相片，相中有人手持「光復香港 時代革命」橫額。涉事陳同學（化名... 詳情

違國安法風險 大狀：需考慮意圖

【明報專訊】香島中學學生以「光復香港 時代革命」旗幟相片作網課個人頭像，遭學校停課一周處分。港府今年7月表明，這口號有港獨或顛覆國家政權的含... 詳情

浸大錢大康開學致辭：校園不容仇恨言論

【明報專訊】浸會大學校長錢大康年底卸任，他昨日出席任內最後一次開學禮並向新生致辭，稱大學學術自由及院校自主將維持不變（intact），並提醒... 詳情