【明報專訊】口罩難求，公民黨余若薇(Audrey)早前製作可以重用嘅布口罩，但被批評誤導、無知。Audrey似乎都受買唔到口罩之苦，噚日話外科口罩一日要換幾次，「實在不夠用」，所以一口氣整咗5個布料保護套，可以將外科口罩放入去。 Audrey分享，夜晚返屋企除低口罩，布套裏面嘅外科口罩仍然好新，之後佢會洗乾淨布套、要用時就熨平，「戴上時清新的氣味撲鼻，令精神為之一爽，有穿新衣的感覺」。佢又話街上買嘅口罩有啲會太鬆、太緊，細路仔戴口罩經常滑落，布套就可以度身訂做。 Audrey引述港大微生物學系講座教授袁國勇話，棉口罩都有七成功效；用布套內藏外科口罩，「好過日日排長龍撲大量口罩」。不過仍有網民質疑Audrey冇常識，話佢以為有效，只會將自己暴露於風險而不自知；亦有網民話要同佢買，或者要佢分享紙樣，想即刻自己整番個呀。
|
| |
| |
;){kind=small}
;)
