【Emily】質疑人無政治智慧 湯大狀反被質疑 羅健熙：好難低過你同林鄭政府
[2020.01.20] 發表
【明報專訊】行政會議成員、資深大律師湯家驊(Ronny)喺專欄同facebook引述「一個西方國家領事」嘅說話，話香港嘅政客缺乏政治智慧，又質疑香港嘅政客究竟有咩抱負同理想，認為佢哋似乎無諗過點樣令一國兩制持續。
Ronny呢番話引嚟民主派留言回應，話成個政府先係無智慧。工黨主席郭永健話特首林鄭月娥「連政客都不如」。民主黨副主席羅健熙亦留言話，「政治智慧？都好難低得過你(湯家驊)同林鄭成個政府」。羅健熙話Ronny無自知之明，仲好意思講香港政客無智慧。
話港政客無細諗
點令一國兩制持續
Ronny喺文章話，曾經有一個西方國家領事同佢講，自己走遍世界各地，從未見過好似香港嘅政客咁，缺乏政治智慧。Ronny聲稱啞口無言，唔識點樣為香港政客辯護，佢都覺得好多香港政客受過高等教育，亦係資深專業人士，「說他們沒有腦袋實是太冒犯了，但有時他們的行為又確實難令常人理解」。
Ronny重申，從政者要有政治抱負同理想，反問香港政客有咩抱負，「是爭取民主、爭取落實一國兩制，還是要令香港永無寧日、一國兩制全面失敗……」Ronny質疑從香港政客嘅言行表現嚟睇，佢哋無細諗點樣可以令一國兩制持續，令香港嘅核心價值同自由得以永久受到保障等問題。
更多港聞
【Emily】政團年宵賣花 支聯12花語說?12鬥士
【明報專訊】今年政府年宵市場不設乾貨攤位，唔少政團改為賣花，繼續傳達政治信息。支聯會今年設「自由花圃」，賣12種花，用花語帶出12位民運同維... 詳情
【Emily】國際AI大會 科大教授楊強做主席
【明報專訊】講起發展人工智能（AI），香港都人才濟濟，例如本地首家AI「獨角獸」商湯科技，就係由中大教授湯曉鷗創立。前幾日又傳出好消息，話說... 詳情
【Emily】悉尼考察後 顏汶羽笑港版水上的士
【明報專訊】政府想喺維港搞「水上的士」，但就限定路線，指定5個上落點，畀啱啱去咗悉尼考察嘅海濱事務委會成員、民建聯觀塘區議員顏汶羽取笑，話香... 詳情相關新聞
