【Emily】政團年宵賣花 支聯12花語說?12鬥士

支聯會年宵檔以「自由花圃」為主題，主力賣12種花，希望傳達政治信息同支援維權同民運人士。主席李卓人（右四）話，對今年籌款數字唔敢樂觀。（曾憲宗攝）

守護公義基金亦喺維園擺攤賣花，陳日君樞機（中）都有到場。信託人何秀蘭（左）自言包花雞手鴨腳，圖右係早前因健康問題辭任信託人嘅鄭宇碩教授。（曾憲宗攝）

【明報專訊】今年政府年宵市場不設乾貨攤位，唔少政團改為賣花，繼續傳達政治信息。支聯會今年設「自由花圃」，賣12種花，用花語帶出12位民運同維權人士嘅精神，例如康乃馨代表「天安門母親」；風信子代表「709大抓捕」中因「顛覆國家政權罪」被判監4年半嘅律師王全璋，反映佢嘅堅定精神。

李卓人對今年籌款唔樂觀

支聯會主席李卓人話往年維園有乾貨賣較熱鬧，擔心今年市民唔買花就唔入維園，相信人流會減少。佢話舊年賣貨、捐款共籌到40萬，對今年再有呢個水平唔樂觀。

守護公義基金亦擺檔賣花，仲賣取名「和勇一家」嘅厚葉植物盆栽等，信託人何秀蘭(Cyd)笑住話佢哋包花雞手鴨腳，又話希望藉年宵同市民見面打氣。Cyd話基金至今籌到1500萬，正處理9宗案件，尚餘1100萬，但DQ案訟費估計達700萬；佔中9人案訟費現時都起碼400萬，只係部分未收到帳單，要預留錢找數。

更多港聞

【Emily】國際AI大會 科大教授楊強做主席

【明報專訊】講起發展人工智能（AI），香港都人才濟濟，例如本地首家AI「獨角獸」商湯科技，就係由中大教授湯曉鷗創立。前幾日又傳出好消息，話說... 詳情

【Emily】翻新藝術館 砌維港海浪上牆

【明報專訊】闊別巿民4年、之前動工翻新嘅香港藝術館，喺舊年11月重開。擴建後嘅藝術館以全新形象示人，館藏超過1.7萬項，負責工程嘅建築署噚日... 詳情

【Emily】葉太斷定容海恩細女係靚女

【明報專訊】新民黨立法會議員容海恩（Eunice）前日宣布細女出世，主席葉劉淑儀噚日去醫院探望。葉太大讚BB非常可愛，眼大大似媽媽，頭髮濃密... 詳情

【Emily】悉尼考察後 顏汶羽笑港版水上的士

【明報專訊】政府想喺維港搞「水上的士」，但就限定路線，指定5個上落點，畀啱啱去咗悉尼考察嘅海濱事務委會成員、民建聯觀塘區議員顏汶羽取笑，話香... 詳情

教師中心換屆 教協首組隊參選

【明報專訊】兩年一度的香港教師中心諮詢管理委員會選舉，投票期今日（20日）開始。今屆選爭激烈，由教師選出的「教師提名委員」委員，35席位有5... 詳情