【Emily】香港公園元旦起逢周末設藝趣坊
[2019.12.31] 發表
【明報專訊】康文署將於聽日(1月1日)起喺香港公園設新一期「藝趣坊」，除令公園有新賣點外，亦畀藝術家有機會展出同賣物，以及培養市民對藝術嘅興趣。康文署話，第20期嘅「藝趣坊」由聽日起至明年底，每逢星期六、日及公眾假期，中午12點到下晝6點，喺園內茶具文物館旁嘅戶外地方舉行，免費入場。
市民去欣賞公園鳥語花香同時，亦可以參觀傳統同新興手工藝品、藝術服務攤位，場內設有10個攤位，展出及售賣各種手工藝品，例如布藝、花藝和飾物，亦提供繪畫、人像剪影同人像素描等服務。
至於下一期(21期)嘅「藝趣坊」，於下年4月初至2021年3月底，逢周日及公眾假期喺維園南亭廣場舉行，並於下月2號至23號接受申請，有興趣喺嗰度擺攤位嘅人或非牟利機構可以留意。
更多港聞
相關新聞
