【明報專訊】區選目前只有參戰海怡西�龠壑屁W尚未獲確認參選資格，南區民政事務專員馬周佩芬因病而要油尖旺民政事務專員蔡亮兼任埋南區選舉主任，直至另行通知，成為政圈熱話。身兼南區區議員�鴷萿k會議員區諾軒(區軒)噚日同Emily講，佢同馬太有共同嗜好，不過馬太就同佢講「永遠都唔可以做朋友」，搞到區軒好鬼hurt。

區軒話，原來馬太同佢一樣，都有玩手機遊戲Pok�mmon GO，區軒曾經向馬太表示大家可以交換精靈，點知馬太請佢食檸檬，表明「我同你永遠都唔可以做朋友」；區軒頓時覺得好hurt，但亦因此大讚「佢絕對唔會偏私，佢係一位好重視程序公義�鴾蔑�員」。

馬太因病休假引起好多猜測，其中一個傳言話佢唔想DQ黃之鋒而扮病，網上亦出現惡搞改圖，話馬太「逃避雖可恥但有用」。有網民就話，既然馬太�麍F治前途已經玩完，應該照批黃之鋒提名有效，「全香港人都會保佢」。黃之鋒同區參選人仲有新民黨陳家珮同民主派林浩波。