【明報專訊】一場反修例風暴，不論示威者、警方、傳媒，以至立法會議員都有人被網上「起底」。近日被起底嘅目標係民建聯立法會議員鄭泳舜，唔只佢嘅個人資料，連太太嘅個人資料、兒子嘅容貌都畀人喺通訊軟件公開。鄭泳舜談及此事搖頭嘆息。 有人喺通訊軟件話鄭泳舜「親共，恐嚇印度籍人士」，將佢嘅個人電話、住址、出生日期，讀過邊間學校，有咩親戚仔女，甚至太太嘅電話都公開晒；鄭泳舜一家人嘅生活照都被上載。 至於點解話佢「恐嚇印度籍人士」，可能同印度協會前主席毛漢褚簡寧(Mohan Chugani)畀警方水炮射中有關。毛漢中炮後喺港台話有民建聯議員到訪，提佢「與記者說話要小心點」，鄭泳舜事後解釋當時係關心同了解對方情况，當時佢同毛漢提及，傳媒或會將事件同宗教、種族連埋一齊講，要注意一下，強調唔係如個別傳媒所指要「警告」毛漢。 鄭泳舜參選區議會南昌北選區，對手包括劉家衡同王曉聖。
|
| |
| |
;)
