【明報專訊】反修例風波以嚟，警方執法行動備受爭議，大律師公會今個月初出聲明，話由傳媒拍攝嘅片段所見，有警員使用過分武力驅散同拘捕示威者，特別係8?31港鐵太子站事件。由大律師馬恩國任主席嘅「香港法學交流基金會」，噚日就向大律師公會發公開信，批評公會「選擇性譴責警方」，但就無譴責示威者違法行為，質疑公會嘅講法係出於「政治偏見」(bias political stance)。 馬恩國任主席 批評大律師會偏見 基金會又批評大律師公會誤解(misread)《警察通例》要求警員展示委任證嘅規定，信中引述《警察通例》第20章14條：「在案發現場的便衣人員，須將委任證掛在顯眼的地方，讓人易於辨認其身分」，而防暴警喺現場，要制止示威活動同恢復社會秩序，因此毋須出示委任證。 《通例》話軍裝警應亮證 除非情况不容許 Emily雖然無讀過法律，但睇番《通例》第20章14條，寫明「如市民提出要求，軍裝警務人員應出示委任證，除非情况不容許」，同埋「警務人員在任何時候均須隨身攜帶委任證」。不過，根據Emily喺現場嘅採訪經歷，警方喺呢點似乎唔太做到。
|
| |
| |
;)
