【明報專訊】《願榮光歸香港》近日唱到家喻戶曉，唔少市民每晚去商場、社區唱歌，亦有人用唔同樂器合奏。有民主派立法會議員就拎出樂器，展示音樂才華。其中區諾軒日前就去�髐茈j城中心，用長笛為市民大合唱伴奏。佢上載影片上instagram，雖然只得短短1分鐘，仲講明已經「N年冇吹長笛」，但Emily聽落都覺得音準唔錯，完全唔似「N年冇吹」。

一吹長笛一吹口琴

另邊廂，人民力量陳志全(慢必)噚日都拍片上載fb，片中佢拎出口琴吹晒成首《願榮光歸香港》，聽落相當流暢，仲�鬗蠽嬰P大家講晏晝銅鑼灣見，「同大家繼續吹口琴」。唔少網民留言讚佢吹得好聽，有人問佢可唔可以分享口琴譜，慢必亦即刻上載。