【明報專訊】反修例示威者近日喺多區大合唱《願榮光歸香港》，想證明「少林武功(勇武)加唱歌」係有得諗嘅。不過，噚日就有條聲稱警察版嘅二次創作MV，用番《願榮光》原曲，配上大量警察英姿嘅片段，當中好多都係嚟自新聞機構。 片段被用 有線：保留追究權 一個名為「HongHong TV」嘅YouTube頻道，發放咗一段以《願榮光歸香港》原曲原詞並配上警察片段嘅MV，大部分片段擷取自新聞機構，「受害人」之一Franso喺佢facebook專頁發表聲明，話冇授權佢拍攝嘅影片被使用；同樣被挪用片段嘅有線電視新聞亦回覆話「對一切侵權行為，保留追究權利」。 片段至噚晚7點有逾1.8萬次觀看，有約70個正評同9000個負評，亦都喺晚上約7點半被移除，壽終正寢。睇番個頻道，原來只有約100個訂閱者，佢哋喺噚日上傳嘅影片中，仲包括無綫新聞多年前嘅報道，片段標題係：「警察在旺角警署內強姦19歲少女！已通櫃！人神共憤！」
|
| |
| |
;){kind=small}
;){kind=small}
;)
