【明報專訊】區議會選舉11月24日舉行，有新團體成立宣布計劃派4人出選，呢個團體叫「保障民生建設聯盟(保民聯)」，標榜不講政治、只講民生，佢�]鬧完民主派又批評目前建制派表現差，並自稱係建制派中�鵅u建設派」。講到反修例示威，保民聯召集人袁桂禧話，政府修訂《逃犯修例》初心係好；至於點睇民間五大訴求，袁桂禧就話政府要「聆聽」，其他成員亦話贊成先由監警會調查。

保民聯噚日開記者會介紹政綱，袁桂禧係中醫，團體註冊地址同佢診所地址相同。談到反修例，袁桂禧話6月時有百萬人上街，但特首受到行政會議成員等影響，無聽到外間聲音，話現時行會及立法會好多人「過氣」，又話�M家社會二元對立，對暴力事件感到痛心。咁佢�]近期有無參加遊行集會呢？發言人林斯嵐就話無，指好多遊行係非法，形容佢�]係守法公民；又話特首顧全大局撤回修例。佢又話，�M家大家爭拗用獨立調查定係監警會調查，認為先等監警會做完工作，唔應該架空監警會。

保民聯考慮循4區出選，包括大圍、北角和富、美孚南及愛秩序灣，4區現任議員都係建制派。佢�]話目前大部分選區都係建制派做，選區主要揀佢�]熟悉�鵀a方。