【明報專訊】2007年香港藝術館展出《清明上河圖》原件真迹，入場人數破咗藝術館歷來紀錄；2010年，港府同上海市政府合作，展出當年上海世博會中國國家館嘅「鎮館之寶」：電子動態版《清明上河圖》，唔使10日已賣咗近九成飛。而《清明上河圖3.0》即將於今個星期五(26日)起喺亞洲國際博覽館展出，唔知會唔會再創紀錄呢？
8K投影 另一焦點「看汴河」
升級版《清明上河圖3.0》將會用8K超高清技術，投影喺一幅近5米高、30幾米長嘅巨幕畫軸度，相信畫質會更清晰。作品嘅動畫線稿由20幾個畫師、花400幾日手工繪製，比起上次展覽，畫作會更細緻展現。另一焦點係「汴河碼頭」球幕影院，大家可以攤喺櫈度睇汴河嘅日與夜。除咗睇，仲有得玩，有多項闖關任務嘅「宋『潮』遊樂園」，畀大家「穿越到宋代」，透過遊戲了解歷史。
展期周五起至8月25日，一般票價10元，球幕影院票價為25元；亞博館同港鐵亦有合作，可以優惠價搭機鐵前往亞博館，有興趣讀者留意。
;)
