【明報專訊】反修例風暴持續，大專院校嘅學生代表拒絕同特首林鄭月娥對話，但政府強調希望與青年多交流。政務司長張建宗繼續佢嘅青年工作，噚日喺facebook出post話前日同4名參加「與香港同行」計劃嘅同學，到訪天文台了解部門最新發展。

張建宗與同學仔除咗聽天文台長岑智明簡介，仲去埋「天文台心臟地帶」，即係天氣預測總部，了解天文台向公眾及航空、航海等界別提供24小時天氣預告服務；同學仲可以參觀天文台錄影室，一嘗扮演天氣報道員嘅滋味！天文台成立136年，張建宗話為加強與市民溝通，天文台透過facebook及Instagram發放天氣信息，仲協助「智慧城市」規劃，喺多個地點設立微氣候監測站蒐集小範圍天氣數據。

「與香港同行」計劃係畀中學生成為政府高級官員一日「工作影子」，近距離體驗官員工作同政府運作模式嘅計劃。