【明報專訊】由前政務長司長陳方安生擔任董事�鵅u公民實踐培育基金」前日發起眾籌計劃，希望委託「香港民意研究所」就《逃犯條例》修例風波做3階段民情研究；短短29小時至噚晚9點已籌得100萬元達標，意味民研項目可以展開，陳太同研究所主席鍾庭耀噚日早上出席商台節目時，就為籌款進度良好向「連登討論區」網友講多謝，感謝「連登仔」積極幫佢�]宣傳。

基金日前表示，如果籌款數字多過目標，餘額會歸基金所有，繼續推動其他公民項目。陳太除�鬫h謝連登仔，亦提到會將民研報告交畀政府同各國駐港總領事館，希望幫助佢�]了解民意。有連登仔噚日聽到陳太多謝佢�]後，即刻話要「推到陳太做臨時特首」，有網民藉此諷刺特首林鄭月娥離地，質疑林太至今都未設立連登會員戶口，吸收民意。

香港民意研究所已籌逾300萬

本月先開始正式運作�麰輕銗褶N研究所，早前亦曾發起眾籌，希望籌得600萬元做研究所起動經費，初期進度緩慢，但近期籌款數字已迅速增長。鍾庭耀透露，研究所現時已籌得逾300萬元，佢同樣感謝連登仔幫手宣傳，話根據眾籌數據，好多市民都以小額捐款支持研究所，每人平均500元。