【明報專訊】部分反修例示威者喺周日(7日)九龍遊行後去到旺角佔路，其間立法會議員區諾軒(區軒)、譚文豪企喺警方防線同記者之間，面對警方不斷推進，甚至有記者跌倒，區軒當時情緒較激動，話警員係「毅進仔」，其後佢承認當晚講咗未必適切嘅說話。民建聯立法會議員蔣麗芸(Ann姐)噚日喺facebook發帖「強烈譴責區諾軒以歧視口吻喝罵『毅進仔』」，強調冇讀大學唔係罪，修畢專業科目亦可以成為行業精英。 不過，Ann姐早前「分享」針對民陣召集人岑子杰同志身分嘅影片，話岑對性取向「刻意隱瞞」、「敗壞風氣」，同樣被指歧視；彩虹行動、女角平權協作組等平權組織就發起聯署，譴責並要求徹查蔣麗芸嘅歧視行為，強調岑子杰已多次公開表明同志身分，「蔣議員此舉，除了突顯其無知和愚昧，也敗壞了本應為民喉舌的『議員』二字」，要求立法會、平機會、政制及內地事務局跟進。
|
| |
| |
;)
