用LMF歌「二創」 李偲嫣：已付費

【明報專訊】「正義聯盟」主席李偲嫣早前喺撐警集會期間播放警民衝突片段時，用本地樂隊LMF歌曲作為背景音樂，LMF其後喺facebook表示對此「極度不安」。李偲嫣噚日回應，話當日播放嘅係二次創作作品，亦已同CASH(香港作曲家及作詞家協會)聯絡，繳付不超過300元費用。

李偲嫣喺fb話，當日集會有一音樂短片，採用LMF歌曲嘅一部分，配置其他音樂並混音，強調係「二次創作」嘅民間作品。李偲嫣話已經同CASH聯絡，按其「慈善團體」類別嘅收費慣例要求，繳付唔超過300元。Emily查閱稅局嘅慈善團體名單，就未見有「正義聯盟」。

早前有青年上載短片，話如果年輕人父母冇上街「根本無愛過你」，該青年被指曾喺書展同李偲嫣合照；李偲嫣喺聲明強調與該名年輕人冇任何關係、接觸，又話書展當日同逾600名讀者合照，以年輕人為主。

更多港聞

養和義工香薰按摩 助長者紓痛

【明報專訊】都市人壓力大，不時都會用唔同方法紓壓，例如Emily閒時喺屋企都會點吓香薰，幫助放鬆。點燃香薰精油之外，仲有「香薰治療」、「精油... 詳情