養和義工香薰按摩 助長者紓痛
[2019.07.01] 發表
【明報專訊】都市人壓力大，不時都會用唔同方法紓壓，例如Emily閒時喺屋企都會點吓香薰，幫助放鬆。點燃香薰精油之外，仲有「香薰治療」、「精油按摩」，都有唔同功效。養和醫院嘅義工最近就引入咗「香薰按摩」喺佢哋嘅探訪長者活動中，平時佢哋嘅義工會幫長者量血壓、檢查藥物，教長者做健康操，𠵱家仲會用精油按摩或薰香，緩解長者周身骨痛、照顧者精神緊張及焦慮等生理同心理不適。
義工之一、有香薰治療師資格嘅養和高級護理主任關施慈同Emily講，有啲醫院同療養院其實有用呢啲方法輔助病人，而探訪長者時用嗰啲精油，配方包括葡萄籽油、柑橘、薰衣草及甜馬鬱蘭精油，有消除焦慮緊張、鎮定同止痛等功效。關主任話，佢同過77歲柏金遜症患者陳伯用精油按摩手臂，病人都話「舒服」。
更多港聞
相關新聞
