反修例廣告登17報 撐傘設計無關富士山

[2019.06.29] 發表
G20峰會正喺大阪舉行,當地有兩份報紙登咗網民眾籌嘅反修例廣告,包括《朝日新聞》,廣告上有隻手撐起雨傘,寫住「WE RESIST FOR WHAT WE DESEREVE」,係由眾志主席林朗彥設計,佢話撐住雨傘嘅肩膀,應該係日本對香港社會話題最深嘅印象。(網民Chan Hoi Ching facebook圖片)
美國《華盛頓郵報》亦有刊登反修例廣告,以特大字型寫上「STAND WITH HONG KONG AT G20」,右下方有早前大遊行嘅相。(舒琪facebook圖片)

【明報專訊】反對修訂《逃犯條例》嘅網民眾籌喺各地報章登廣告同公開信,爭取國際關注,Emily統計過,先後有11個地區同歐盟共17份報章登咗,繼前日英國、德國、加拿大、歐盟有報章刊登,噚日趁住二十國集團(G20)峰會喺日本大阪舉行首日,澳洲、日本、韓國、台灣、美國、法國、意大利、瑞典都有報章刊登,包括美國《華盛頓郵報》同《紐約時報》、日本《朝日新聞》同《日本時報》,真係遍地開花。

《日本時報》個廣告,有人話驟眼睇似富士山,原來完全無關。據facebook專頁「Freedom HONG KONG」,《朝日新聞》嘅廣告設計較特別,有隻手撐起雨傘,寫住「WE RESIST FOR WHAT WE DESERVE」(為我們應得的而抵抗),原來由香港眾志主席林朗彥設計,佢喺fb話,撐住雨傘抗爭嘅臂膀,應該係日本人對香港社會話題最深嘅印象,希望以此表達香港身邊嘅危機同張力。

過期繳費失韓頭版 非被「搶」

日前網傳韓國《中央日報》嘅頭版位置被一個品牌飲品以「天價」搶走,負責當地登報嘅網民噚日喺網上討論區「連登」貼文澄清,原來因為過咗限期先成功轉帳繳費,以致喺空窗期被人買咗個廣告位,對有信息誤導咗網民致

更多港聞
陳健波「收成期」論 泛民rap歌諷刺
【明報專訊】財委會主席陳健波(波哥)早前見傳媒時,提到自己好努力先有較安穩生活,現時係「收成期」,其言論引起爭議,有網民甚至拍片、rap歌諷... 詳情
加入4年「需重新變陣」 游蕙禎退出青年新政
【明報專訊】2016年以20,643票當選九龍西立法會議員、最後因宣誓風波被褫奪議員資格嘅游蕙禎,噚日喺facebook宣布退出青年新政。佢... 詳情
下月別醫局 梁栢賢:2022年見
【明報專訊】擔任醫管局行政總裁9年嘅梁栢賢下個月底退休,噚晚任內最後一次出席周年傳媒晚宴。梁栢賢話退休後會最掛住記者會嘅大場面,一眾記者就舉... 詳情
【明報專訊】近日金鐘一帶有連串反修例示威活動,好多市民都搭港鐵去金鐘,或者經站內通道行去唔同出口,常現擠迫場面,連接海富中心嘅A出口不時長時... 詳情

明報網站 · 版權所有 · 不得轉載
Copyright © 2019 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Toronto Chinese Newspaper

1355 Huntingwood Drive, Scarborough, Ontario, Canada M1S 3J1 | Tel.: (416) 321-0088 | Fax: (416) 321-9663 | Advertising Hotline Tel: (416) 673-8250