兩新面孔常委 鄭家朗任眾志副主席
[2019.05.22] 發表
【明報專訊】香港眾志成立第四年，噚日公布第四屆常委名單，當中有兩張新面孔，分別係早前因為反對修訂《逃犯條例》闖入政總而被捕嘅何嘉柔(膠柔)及朱恩浩(朱仔)。另外，前副主席袁嘉蔚去年退黨後，今次改選由一向關注教育議題嘅鄭家朗(Issac)頂上，香港眾志主席林朗彥(Ivan)話，Issac會承擔更多重大政治議題上嘅角色。
Ivan透露，膠柔同朱仔都係社工系嘅學生，朱仔曾係學民思潮義工，關注青年組織議題；膠柔都有參與學民活動，直至Ivan、秘書長黃之鋒、常委羅冠聰前年入獄後先加入眾志，對性別、同志平權議題較有興趣。兩名新常委將會加強眾志同學生團體、青年世代嘅連結。Ivan解釋，眾志未來希望同院校學生會、關心時政嘅團體多合作，例如修訂逃犯條例事件，膠柔同朱仔都幫手協調學生會同團體擺街站，希望多鼓勵學界參與社會抗爭。
膠柔、Issac同另一常委梁延豐等人早前成立「沙田一隅」facebook專頁分享社區故事，但Ivan話除咗黃之鋒外，據佢了解眾志其他人無打算出選，「沙田一隅」幾個成員本身都住新界東，如果有朋友需要，都會幫吓手。
更多港聞
【明報專訊】前財政司長、「薯片叔叔共創社」創辦人曾俊華（John），早排接受團結香港基金《政策?正察》facebook專頁訪問，講吓教育理念...
詳情
大學生內地實習 勉抓緊機會 張建宗：香港有機會取代倫敦
【明報專訊】政務司長張建宗噚日出席香港大學生內地實習計劃2019出發授旗禮，致辭幫學生打打氣。佢同在場學生講，去內地唔止工作實習咁簡單，仲要... 詳情
【明報專訊】歐陽江河在1980年代開始冒起，屬「學院派詩人」，本身也是書法家、樂評人，浸大中國語言文學系副教授蔡元豐稱，歐陽江河熟悉古典、中...
詳情
相關新聞
