太平清醮料6萬人次入長洲
[2019.05.03] 發表
【明報專訊】下禮拜就係一年一度嘅太平清醮，香港長洲太平清醮值理會副主席何麗安同Emily講，因為今年有連假，預計會有6萬人次去長洲，估計會多過舊年5萬幾人次約兩成。
今年長洲太平清醮會景巡遊喺12號星期日舉行，當日嘅主禮嘉賓同舊年一樣，係創新及科技局長楊偉雄，同埋中聯辦副主任何靖。何麗安話原本想請政務司長張建宗，不過對方要出席另一活動，就無緣去今年飄色巡遊喇。當日巡遊隊伍係晏晝2點由長洲北帝廟遊樂場出發，途經多條大街小巷，然後喺下午4點45分去番遊樂場。
為緊守長洲太平清醮期間嘅齋戒傳統，何麗安話上個月開始已經逐家逐戶拍門，希望商舖會守齋戒，預計今年會有九成食肆同商舖守齋戒。
更多港聞
生涯規劃調查 學校偏重介紹高認受科 七成學生感升學就業未理想
【明報專訊】教育局自2014/15學年，每年為每所開設高中課程的公營學校及直資學校提供「生涯規劃津貼」，首學年開支約2.6億元。教育局前年委... 詳情
【明報專訊】自2014/15學年，教育局提供屬經常撥款的「生涯規劃津貼」， 學校可用作外購服務，讓學生盡早了解個人興趣和能力，為升學就業做準...
詳情
相關新聞
