曾鈺成預告研究 土地大辯論

「香港願景」召集人曾鈺成

【明報專訊】「香港願景」召集人曾鈺成身兼土地供應專責小組成員，佢噚日喺香港願景舉行嘅傳媒茶敘上預告，「香港願景」今年會有幾份報告出台，包括研究番土地供應專責小組嘅公眾諮詢工作。被問到係咪擔心政府「過橋抽板」，唔聽土供組意見，想透過做研究為土供組留下證明？曾鈺成否認，強調土供組責任係收集民意，再分析同如實報告，政府係最終執行者。佢話做研究係因為今次係好好嘅機會，做實證研究公眾參與活動嘅效果。

做實證研究公眾參與活動嘅效果

香港願景研究員林緻茵(Kay)話，會接觸土地大辯論嘅參與組織做「焦點小組」，亦會做新聞分析，睇土供組報告發表後，傳媒如何評論。另外，曾鈺成話香港願景會繼續關注香港一國兩制實踐、香港喺粵港澳大灣區嘅角色等，3月16日會喺港大舉行有關大灣區嘅研討會，邀請咗前財政司長梁錦松做主講嘉賓。

邀葉劉田少對談23條

Kay話，香港願景亦會同港大通識教育部、法律學會，喺本月底舉行3次論壇，討論一國兩制，其中喺「憲制責任與人權」、23條立法時機嘅論壇，則請到曾主理23條立法工作嘅前保安局長、新民黨主席葉劉淑儀，同當時倒戈反對23條立法嘅自由黨榮譽主席田北俊對談。

更多港聞

無時間煲電視 張翔廣東話進步慢

【明報專訊】香港大學噚日（15日）舉行傳媒新春團拜，19名管理層包括校長、副校長、10個學院嘅院長，每年一度集齊人馬現身團拜，喺台上拎住揮春... 詳情

當年曾受助 馬時亨回饋基層生

【明報專訊】港鐵主席馬時亨出身基層家庭，細個無錢畀學費，全靠小學班主任接濟，先可以繼續學業。受過人哋恩情，令馬時亨都想出力幫窮學生。本身係香... 詳情

為現代奴隸制 鍾國斌公帑赴英

【明報專訊】立法會內委會噚日討論到提名自由黨黨魁鍾國斌（Felix）去英國倫敦，參加英聯邦議會聯合會舉辦有關現代奴隸制嘅法律起草研討會，會上... 詳情