膠樽齊砌聖誕樹 徐子見盼街坊更環保
[2018.12.28] 發表
【明報專訊】東區區議員徐子見近日喺地區辦事處外，以衣架同繩掛起近百個廢棄膠樽，砌成一棵環保聖誕樹，並搵嚟小朋友同街坊齊齊幫手整。徐子見話港人每日丟棄好多膠樽，希望透過環保聖誕樹呼籲大家丟膠樽前「停一停、諗一諗」，以免污染環境。
徐子見話一直有留意塑膠污染問題，「加上環保署做得唔好」，希望喺擺街站時呼籲街坊多關注。佢話港人日棄逾500萬個膠樽，呢棵樹用嘅膠樽只佔「全港每日丟棄的0.0017%」，希望街坊透過整樹，對呢個數字有更深刻印象。佢近日喺facebook上載合照(圖)，吸到近400個讚好，有網民更讚佢係「環保大使」。
更多港聞
相關新聞
