大欖楓葉見紅 大棠塞車警報
[2018.12.08] 發表
【明報專訊】踏入賞楓季節，Emily等到頸都長埋，漁護署噚日終於更新咗紅葉指數，顯示大欖郊野公園楓香林嘅紅葉指數由「黃」至「開始紅」！Emily記得每年都會好多人湧去睇紅葉。漁護署就提醒，郊野公園內嘅楓香林沿路不設垃圾桶，大家要保持清潔，自己帶走垃圾，亦唔好採摘或踐踏植物。
另外，九巴喺22、23、25同26日，會安排特別巴士路線68R，來往元朗形點交通交匯處至大棠山道，服務時間由朝早8點30分(元朗開出)到下午6時30分(大棠開出)。運輸署今日起至明年1月13日嘅逢周六、日和公眾假期，由朝早7點到夜晚7點，喺元朗大棠山道同僑興路交界以東約475米處起至大棠山道停車場，實施交通管制措施。署方建議市民盡量用公共交通工具前往，同埋留意當局嘅最新消息喇！
更多港聞
【明報專訊】香港現時每年有12日法定假日，勞聯立法會議員潘兆平近日提出動議，促請政府將9月3日抗日戰爭勝利紀念日列為法定假日，大會最快下個月...
詳情
相關新聞
