潘兆平倡抗戰紀念日列法定假日
[2018.12.08] 發表
【明報專訊】香港現時每年有12日法定假日，勞聯立法會議員潘兆平近日提出動議，促請政府將9月3日抗日戰爭勝利紀念日列為法定假日，大會最快下個月討論議案。工聯會何啟明、民主黨尹兆堅同工黨張超雄分別提出修正案，促請政府將法定假日同公眾假期睇齊，不過張超雄就將原議案改頭換面，刪去將紀念日列為法定假日嘅內容。
3人修訂 促法定假公眾假睇齊
潘兆平同Emily講，動議雖無約束力，但仍希望透過討論引起政府積極處理。佢未有評估議案獲通過機會，但強調政府喺2015年、即抗戰勝利70周年時，都曾將該年紀念日列為特別法定假日，所以將紀念日列為恆常法定假日並非無可能。對於被張超雄大幅修改原議案，潘兆平話未知對方提出修正案，但話張亦有促請政府將法定假日同公眾假期睇齊，兩人嘅要求其實無大矛盾。
更多港聞
相關新聞
