【明報專訊】香港貧富懸殊嚴重，樂施會噚日邀請唔同黨派嘅立法會議員，包括民主黨鄺俊宇、公民黨楊岳橋、工聯會麥美娟同民建聯鄭泳舜，同商台主持參與「一切從『咩』開始」嘅戲劇工作坊，用輕鬆手法探討貧窮同不公平議題，希望特首聽到社會要求收窄貧富懸殊嘅聲音。 樂施會整咗幾味用泥膠做嘅菜式畀議員「品嘗」，但大家似乎唔多受落、皺晒眉頭，皆因佢哋「試食」嘅包括外判制羊腩煲、羊州炒散飯及1比99香煎羊架，菜式諷刺基層市民面對制度唔公平嘅困境，就好似羊咁要被宰，外判制羊腩煲就形容外判工友成為羊腩；羊州炒散飯就比喻散工缺乏勞工保障，1比99羊架則諷刺全球財富只集中喺1%嘅人身上。大會仲用咗幾款「黑心材料」，如MPF對??花、「涼薄薄荷醬」同「最低工枝竹」，帶出更多勞工問題。 「公平咩」係樂施會9月中至10月中嘅倡議同公眾教育活動，希望透過一系列活動、社區探訪，並製作廣播劇《公平咩農莊》等，畀公眾更了解香港貧富懸殊情?，又呼籲市民聯署支持該會嘅政策建議，稍後會轉交政府，要求政府回應訴求。
|
| |
| |
;){kind=small}
;)
