陳健民劉小麗何啟明 三代師徒
[2018.09.19] 發表
【明報專訊】喺中文大學教書嘅佔中發起人陳健民，噚日於facebook上載咗一張師徒「三代同堂」相片，講緊嘅係佢同民主派劉小麗同民協何啟明合照，現年58歲嘅陳健民原來當年喺中大教過劉小麗，而42歲嘅劉小麗，就曾喺理大香港專上學院做過現年約30歲嘅何啟明嘅老師。陳健民上載相片後都要講句「感受到後浪的衝擊」，有網民形容佢係師公。
劉小麗同Emily講，相片?前日飯敘拍攝，陳健民教過佢幾科，包括社會問題等，佢形容陳教學方式活潑，會希望學生將理念帶入社區，如要求落區訪問邊青，令學生知道理論不應脫離現實，啟發咗佢教書，學識點深入淺出引發學生興趣。至於何啟明，劉小麗話對方係自己首年任教專上學院通識科時嘅學生，形容佢成績唔錯，肯積極發問。
更多港聞
【明報專訊】臨近大學畢業禮時節，學生穿畢業袍、戴四方帽拍照幾乎是「指定動作」，他們多數在影樓或畢業袍公司租袍。消委會最新一期《選擇》月刊披露...
詳情
【明報專訊】浸會大學生物系高級講師鍾姍姍率領團隊，在新界西堆填區、已關閉20年的望后石堆填區和船灣堆填區，測試其滲漏液（俗稱「垃圾汁」）是否...
詳情
相關新聞
