民協修改黨章 加「自主」字眼
[2018.07.24] 發表
【明報專訊】馮檢基最近退出民協，大家都好關注民協日後發展。Emily聽聞民協正修改黨章，希望可以將黨章簡化，配合時代發展，加入「港人自主」同「深耕社區」嘅字眼。民協主席施德來強調，修改黨章係馮檢基退黨前、喺2017年黨內已開始討論，因此修章同阿基退黨無關。
施德來向Emily證實，黨內目前討論緊修章，大約會喺10月舉行特別會員大會表決，到時會對外公布。新黨章會強化黨內對中港關係，以及香港前路嘅睇法。民協喺2016年公布「30周年宣言」，當中提及希望透過「港人自主，實現民主自治」，從而體現港人治港。阿來話，新黨章部分內容會配合呢份宣言。
阿來話，修改黨章係想「時代化」一啲條文，民協對上一次修章已經係十幾年前，加上黨內架構亦有改變，因此需要配合時代發展而修改黨章內容。
2017年開始討論 無關阿基退黨
民協網頁係無黨章內容，阿來笑言馮檢基嘅新書《馮檢基那一條窄巷》將整份黨章印咗出嚟，叫Emily可以買本睇吓，了解現時嘅黨章內容。
更多港聞
【明報專訊】又到暑假，唔少立法會議員離港外遊，人稱「肥老闆」嘅經民聯金融服務界議員張華峰，噚日就喺facebook圖文並茂分享同屋企人去東歐...
詳情
相關新聞
