張華峰與孫歐遊 呷啡啖牛
[2018.07.24] 發表
【明報專訊】又到暑假，唔少立法會議員離港外遊，人稱「肥老闆」嘅經民聯金融服務界議員張華峰，噚日就喺facebook圖文並茂分享同屋企人去東歐玩，今次仲帶埋啲孫。佢話去到匈牙利，當然要欣賞美麗嘅多瑙河，飲飲食食更唔少得，佢話由於當地葡萄酒好出名，連飛機上嘅酒吧都與別不同，令佢大開眼界；而旅行期間歎吓咖啡係少不免，仲有品嘗當地著名牛肉、海鮮等，兩個孫仔當然吃喝玩樂得非常暢快。
鍾國斌嘆英國畀遊客攻陷
自由黨黨魁鍾國斌(Felix)最近亦去咗英國玩，不過去到溫莎堡嘅佢，就大嘆地方一出名就會畀遊客攻陷，話以前入城堡唔使排隊，現時入場唔止要排個幾鐘，更要畀20英鎊，笑言王室婚禮好快回本。
更多港聞
相關新聞
