【明報專訊】香港各界慶典委員會噚日七一喺維園足球場舉行回歸活動，工聯會就設有70周年會慶暨大灣區展覽，及髮型化妝展示，邀請到一眾髮型師表演。髮型化妝整體形象設計師總會嘅副主席黃偉然最後出手，為兩個女模特兒設計髮型，成品可謂相當與眾不同兼「復古」。 工聯會榮譽會長林淑儀先介紹，「兩岸四地」(內地、台灣、香港、澳門)嘅美容美髮、化妝技能比賽，由2006年舉辦至今已經有成千人參加，黃偉然之後上台，話工聯會同大灣區對佢嚟講好似屋企咁，又話自己喺1996年曾經拒絕師父叫佢做髮型師嘅建議，希望可以做回歸後第一個髮型師，於是到咗1997年先開始做。 表演到最後，佢終於出手，為兩個女模特兒設計髮型，咁多位觀眾都大讚非常滿意。Emily就有啲保留喇，可能都係時候檢討一下自己嘅審美觀！
|
| |
| |
;){kind=small}
;)
