【明報專訊】大嘥鬼唔想再做鬼喇！佢想透過「導人走塑」，轉型做「慳神」。「阿鬼，你信唔信命運？」環保局長黃錦星以一身神秘「黑超」look，加一個膠碗，令大嘥鬼改過自新，轉行做減廢達人。

一連七日衣食住行減廢挑機

黃錦星向來親自推銷環保政策，近日又同大嘥鬼一齊拍片，今次係宣傳如何喺衣食住行齊齊減廢走塑 。佢喺片中唔係企定定宣傳咁悶，今次戴埋「黑超」，幾有戲劇性咁話，睇得出大嘥鬼想改過自新，所以打算教阿鬼成為「慳神」。黃錦星第一個建議，就係呼籲大家出外時記得自備食物盒。

黃錦星話，今日開始一連七日喺衣食住行就減廢大挑機，仲會有各界KOL參與，大家記得留意，睇吓大嘥鬼可唔可以改過自新喇。