陳方安生美國領獎 批港府干預立選

前政務司長陳方安生（中）獲頒O'Connor Justice Prize，佢致辭時話要維持過去令香港成為最出色國際城巿嘅價值同生活方式，正面臨好多挑戰，希望支持佢獲獎嘅人知道，好多真誠相信民主管治、維持法治重要嘅港人都唔會放棄，繼續爭取。

【明報專訊】前政務司長陳方安生獲美國亞利桑那州立大學頒發2018 O'Connor Justice Prize，表揚佢爭取喺法治、公義和人權嘅貢獻，係首位亞洲人獲頒呢個獎項。陳太噚日喺美國領獎，佢致辭時話，呢個獎唔係屬於佢一人，而係屬於全香港人同港人堅信嘅價值。佢提到對香港近年發展感到憂慮，話雖然法治喺本地法律專業人士捍衛下仍然健全，但佢形容喺北京嘅壓力下，香港已由「法治」演變成「以法而治(rule by law)」，政府並藉此打壓異見人士，同威嚇支持民主嘅示威者。

陳太形容，更差嘅係，特區政府透過實施新法律，去操控政府唔鍾意聽嘅意見和行動嘅趨勢，例如政府喺2016年立法會選舉時，透過引入「確認書」，去阻止本土派甚至提倡港獨嘅參選人參選；人大常委會之後更透過釋法干預當選人嘅宣誓，唔莊嚴同真誠就係無效，批評做法嚴重破壞香港司法獨立形象。

陳太又話，立法會補選即將舉行，政府則喺傷口上灑鹽，拒絕提倡自決嘅政黨參選人參選，佢形容呢個決定係對民主派參選人赤裸嘅政治審查。

港府夜發千字反駁﹕剛愎言論無益

就陳太言論，特區政府噚晚發表近千字回應，強調一直堅決捍衛同維護法治，律政司處理案件係根據法律、證據等，唔存在任何政治考慮，「任意發表貶低香港良好法治聲譽，並可能對法治社會造成損害的剛愎言論，對香港發展毫無助益」。發言人又話選舉主任嘅決定，絕不存在陳太所指嘅政治審查、限制參選權等。

更多港聞

黃大仙祠推支付寶捐錢

【明報專訊】每逢過年都有大批善信去黃大仙祠爭上頭炷香，今年黃大仙祠會繼續喺年三十晚通宵開放，而正月期間，祠內會有「財神」派利市，又會送出「六... 詳情

家長議員請願促擱置 教協明見楊潤雄商BCA去留

【明報專訊】教協聯同家長聯盟等團體和數名立法會議員昨午到政總請願，要求特首林鄭月娥兌現選舉承諾，在完成檢討前擱置小三BCA或TSA。教協會長... 詳情

近半青年願捐器官未簽卡 青協倡換身分證可登記

【明報專訊】青協的青年創研庫昨公布有關「提升香港器官捐贈率」研究報告，結果顯示近半數（48.8%）受訪青年表示願意參與器官捐贈，但未有簽署器... 詳情

中大復旦聯手 揭鐵質平衡關鍵

【明報專訊】香港中文大學醫學院聯同復旦大學組成研究身體鐵質平衡機制的團隊，近期在實驗小鼠身上，發現如果缺乏「胱硫醚合酶」（簡稱CBS），會令... 詳情