本土研究社被指「港獨組織」
[2018.01.06] 發表
【明報專訊】標榜開拓各種自主獨立嘅本土研究、推動民間知識生產嘅組織本土研究社，前日公布新界套丁研究報告，推算全港約有9800多宗懷疑「套丁」個案，佔整體丁屋數量約23%；網媒「港人講地」都有報道研究結果，但個標題就用咗「港獨組織」去形容本土研究社，令人一頭霧水。
成員陳劍青：有本土兩字 同港獨無關
Emily搵本土研究社成員陳劍青，佢都話留意到「港人講地」報道，有必要澄清，以免唔認識呢個組織嘅市民信以為真。佢話本研社2010年成立，雖然有本土兩個字，但完全同「港獨」無任何關係，亦從來無被人誤會同港獨有關，唔明點解會被認為係港獨組織。佢又話本研社係一個推動民間研究嘅知識社群，促進本土學術同政策討論，所以又唔可以唔用「本土」兩個字。
更多港聞
【明報專訊】政府噚日刊憲公布，東區區議會佳曉選區一民選議員議席出缺，選舉事務處會安排補選，由於該區區議員林翠蓮上個月去世，根據《區議會條例》...
詳情
【明報專訊】退休警司朱經緯喺2014年佔領運動期間，以警棍襲擊途人，周三被判囚3個月。當日凌晨，立法會議員何君堯就喺facebook發文，話...
詳情
相關新聞
